ಹನಿಮಂಜು ಧರೆಗುರುಳಿ ಜಲಧಾರೆಯಾಗದು
ನೊಣ ರೆಕ್ಕೆ ಬಡಿದೊಡನೆ ಬಿರುಗಾಳಿಯೇರದು
ರವಿಯೇರಿ ಬೆಳಕೀವ ಕೋಳಿ ಮಲಗಿದ್ದರೂ
ನೀ ಕುನ್ನಿಯದನರಿಯೊ, ಎಲೆ ಮಾನವ
ಇಷ್ಟವಾದದ್ದು ಇಷ್ಟವಾಗದ್ದು
ಕಷ್ಟವಾದದ್ದು ಕಷ್ಟವಾಗದ್ದು
ನಷ್ಟವಾದದ್ದು ನಷ್ಟವಾಗದ್ದು
ಇಷ್ಟೆ ಬಾಳಿಗೆ ಪುಷ್ಟಿ ಎಲೆ ಮಾನವ
ಭಯದಲಿ ಭರದಲಿ ಬರದಿಹ ಬರಹವು
ಬಲವಿರೆ ಬರುವುದು ಬಯಸದೆ ಬಿರುಸಲಿ
ಬಿಸಿಯಲಿ ಬೆವರುತ ಬೆಸೆಯುತ ಬಸಿಯುತ
ಬೆರಗಲಿ ಬರೆವುದೆ ಬವಣೆಯ ಭಾರ
No comments:
Post a Comment